【深夜聊天】最有效改變命運方法(超詳盡,多年研究宗教、科學精華)膽小勿入

命運,呢個神秘,帶有宗教哲學色彩,同時又現實嘅問題,你,有冇深思過?命理、風水、塔羅牌、宗教、西藏密宗、星座、生命靈數、NDE瀕死經驗、New Age、水晶、佛牌、養鬼仔(古曼童)、Channeling等等,令人好想知道命運,扭轉命運。
如果要來評分,由0至10分,你會覺得自己嘅命運值幾多分?
如果呢個問題,令你帶來不安憂慮,甚至有輕微嘅反感,你,就要繼續睇。我今日,就同你一齊探索「改變命運」方法。

 

你的苦,我懂
人一生裏麵,總會經歷開心同埋唔開心嘅事情。你通常就係人感到低潮嘅時候,就會特別想研究自己嘅命運。對於未來嘅不安,現實世界嘅不滿,令人好想研究命理。
你嘅徬徨、憤恨、困苦,我明白。
可能,你突然遭遇不幸,卻不受別人註意。
可能,你突然間發現,原來,身患頑疾,時日無多。
可能,你經過無數嘅努力,到最後,突如其來嘅不公平事件,令到你努力化為烏有。
可能,你由一段甜美又漫無目的嘅愛情中突然驚醒,發覺原來咁多年都係俾人呃左,而家,感到徬徨又難以置信。
一啲你發夢都冇諗過會發生係自己身上嘅時,突然發生。
有好多人會嘗試去利用塔羅牌、易經、風水、宗教,希望可以窺看未來,搵出命運嘅答案。
好多人會急不及待咁樣去窺看,前景,會繼續衰退?更加徬徨?更加無希望?
你嘅未來,會唔會繼續縮小到,隻係得幾個可憐又悲劇嘅選擇?
於是,好多人為免自己命運淒涼,嘗試去學習風水、命理、甚至種生機等巫術,希望可以改變命運。
今日,就會講嚇改變命運嘅方法。今次我會分享經過多年蒐集,研究宗教、科學、哲學嘅心得,幫大家可以喺抑鬱、虛無、逆境中,有足夠嘅力量,跨出去。
首先,你要接受:要改變命運,隻係憑你一個人有限嘅力量,係未必做到。我一個人力量,亦係做唔到。
如果你咁容易一個人就搞得掂,你依家已經成功咗。如果你依家仍然係掙紮緊,你就要相信,有一啲超自然嘅宇宙能量,可以幫你。
跨出去,「共同創造」出一個與別不同嘅命運。
我會教你,點樣同上天一齊,「共同創造」出一個屬於你嘅美好人生。

 

(Fra Angelico, Annuciation)
改變命運方法:塔羅牌、易經、風水不能改變你命運
塔羅牌,風水,易經,算命,New Age等等並不會幫你改變命運。
佢哋最多,隻可以幫你透視少少命運。要做到真正改變你嘅生命,佢哋未必幫到。
如果你想得到療癒、信心、勇氣,New Age、星座、等等等等,隻係廉價、A貨嘅靈修,我可以講作用係有少少但係唔會好大。
呢樣野我可以好有信心咁講俾你知,因為我以前自己都試過。
有一段時間,我生命中比較迷惘、有自己解決唔到嘅問題嘅時候,我就經常沈迷算命同超自然現象!喺廟街算命、玩塔羅牌、閲讀New Age文章、上網研究、甚至俾錢去上堂同占蔔。由奇蹟課程,到Deepak Chopra、到Osho、到水晶,任何聲稱可以幫我改變命運嘅,我都好有興趣去嘗試!(好彩我當時冇接觸到邪門佛牌、養鬼仔,而家諗返真係非常之好運)
New Age、水晶、塔羅牌、算命、睇相呢類型自稱可以幫你改運嘅方法,都會有短暫嘅、似有還無嘅作用(其實係自己心理作用) ,但係長期嘅幫助,我就感受唔到。
當我最沈迷命理嗰個時候,我跟好多New Age「達人」、「作家」學咗好多關於人生、哲理、靈魂嘅事情,自我感覺良好!當時,我仲覺得自己比其他人更加進化,更有遠見。
但如果我咁有New Age見解,點解個外在環境都係咁唔好呢?
對於生命,點解仍然有咁強烈嘅無力感、恐懼感?
相比起好耐好耐以前,乜嘢都唔識,New Age提供咗一啲心靈上嘅指導,最少,有一啲唔同嘅見解,可作參考。但距離真正美滿、自信、光芒嘅人生,仲係距離好遠!
直到,其中一個我一直都跟隨嘅New Age靈修老師(我購買過佢無數書籍,教材,網上課程)陷入嚴重嘅抑鬱同埋生命後期嘅否定裏麵嘅時候,我就開始發覺,New Age可能有問題。
一直都渴望了解生命真相、期望過一個非凡人生嘅我,感到非常之迷惘。
我當時,隻係知道,命運,不應隻是如此。亦都係令我初次對於New Age產生懷疑。

 

(John William Waterhouse, Annunciation)
由New Age到正念
當時仍然沈迷New Age、塔羅牌嘅我,對於生命,都仍然係處於一個悲觀、迷惘、消極、無力嘅狀態。
New Age、命理其中一個唔好處,就係會令人產生一種對於命運嘅無力感。
喺我不斷探求改變悲觀命運、改運嘅方法嘅時候,就比我搵到一啲關於喺死亡邊緣,重回人間嘅人嘅研究。呢啲經歷,叫做瀕死經驗(Near Death Experience, NDE)佢哋嘅研究都發現,原來人,真係有靈魂。
呢啲,並唔係一啲坊間嘅占蔔算命、以䚰傳䚰、道聽塗說嘅資料,而係經過一啲大學嘅研究,係一個嚴肅嘅討論。
之後我就睇咗好多關於呢方麵嘅資料同埋書籍,包括哈佛大學醫生Eben Alexander嘅書、醫學記錄死過翻生人士Anita Moorjani嘅書……書單如下,有興趣可自行閲讀:
The Proof of Heaven – Eben Alexander
Dying to be Me – Anita Moorjani
Life After Life – Raymond Moody
The Wisdom of Near Death Experience – Penny Sartori
原來好多人經歷過死亡嘅邊緣,同靈界、天使、神,有過接觸,同時亦都學到一啲生命嘅道理。
佢哋都有一個共通點,就係講到,「仁愛心」(Kindness、Compassion、Love)喺每個人一生裏麵嘅重要性。
仁愛之心,會影響你嘅思想同埋命運。
要改變命運,就先要開啟自己愛心。
根據一啲死過翻生嘅人,愛心,極具療效性。佢會療癒你自己、療癒別人。
呢一次,係我成年之後第一次,聽到愛同人生、命運嘅關係。
我後來在閱讀好多有關靈魂、宗教、處世方法嘅書籍,包括「聖經」,先發現,原來所言非虛。

 

(William Brassey Hole)
改變命運方法:用仁愛心去作行為決定
從NDE瀕死經歷人士去過靈界嘅口述,就知道愛嘅重要性。
要改變命運,第一件事要做嘅,就係要用仁愛心(Kindness、Compassion、Love)去生活。
你要極速改運,就要學會改變你嘅思想,開啟仁愛力量,用自律、支持、高貴品格,代替平日驕傲、悲傷、小題大做。
你要變得更加仁愛對自己、對其他人!
改變命運本身好似係一個好大嘅議題。但係,如果你細心睇,命運,其實來自你每一日、每一個、好似微不足道嘅心態同行為。
你每一個心態同行為,看似微不足道,其實,佢哋係不知不覺之間,造就左你嘅人生無聲的掛牽

如果你夠誠實亦都有足夠嘅

原文地址:http://www.onecaratbeauty.com/2016/11/blog-post.html